Një anëtar i Këshillit Bashkiak të Elbasanit u arrestua në kuadër të operacionit “Tempulli2”. Bëhet fjalë për këshilltarin Franko Hakilja, i cili dyshohet për prodhim dhe shitje narkotikësh.
Nga raportimet e para mësohet se anëtari i këshillit bashkiak është arrestuar në kuadër të megaoperacionit që synon goditjen e grupeve kriminale që veprojnë në fushën e narkotikëve, veccanërisht në shpërndarjen e tyre te nxënësit e shkollave.
Në Elbasan raportohet se janë arrestuar 24 persona. Mes të arrestuarve është edhe një student. Nga raportimet mësohet se të arrestuarit vepronin në kuadrin e një grupi të strukturuar kriminal, një nga 7 grupet që janë identifikuar në Elbasan në fushën e narkotikëve. Pritet që të arrestuarit të përballen me masat e sigurisë në Gjykatën e Elbasanit.
Discussion about this post