Policia e Fierit ka bërë bilancin e mega-operacionit “ “Tempulli2”, që u shtri në të gjithë territorin e vendit kundër shpërndarësve të lëndëve narkotike.
Në një njoftim zyrtar, Policia e Fierit bën të ditur se ka arrestuar dhe ndaluar 20 shtetas si dhe janë sekuestruar në cilësinë e provës materiale lëndë narkotike, armë të ftohta, municione dhe aparate celularë.
Nga raportimet mësohet se në kuadër të operacionit është arrestuar në Lushnje, Dritan Bega, i konsideruar si kreu i grupit që kryente furnizimet kryesore të drogërave të ndryshme të këtij qyteti. Ai rezulton i dënuar dy herë për veprën penale të prodhimit, shitjes dhe shprëndarjes së drogës.
Njoftimi i Drejtorisë Vendore të Policisë Fier:
Drejtoria Vendore e Policisë Fier, në vijim të fazës së dytë të megaoperacionit “Tempulli” ka arrestuar 50 shtetas nga të cilët, për datën e sotme 22.01.2024:
– Persona të arrestuar 20
– Gjendje të lirë 8
– Kërkim 2
Sekuestruar në cilësinë e provës materiale:
– 820 gram cannabis sattiva
– 15 ml vaj canabisi
– 116 gramë kokain
– 2 gramë Heroinë
– 2 thika
– 25 fishek model 54
– mjete 17
– telefona 34
Vijon puna për goditjen e këtij fenomeni.
Discussion about this post