Trajneri i Manchester United, holandezi Eric Ten Hag, falenderon tifozët për mbështetjen që i dhanë skuadrës ndaj Real Betis Balompie në Europa League, edhe pse mbetet ende i madh zhgënjimin nga disfata e rëndë përballë Liverpoolit në Premier League.
“Isha kurioz të shihja reagimin e tyre. Mbeta i kënaqur nga përgjigja e tifozëve ndaj ekipit. Që në minutën e parë ata treguan mbështetje, skuadra luajti me energji dhe ua shpërbleu.
Bruno Fernandes, nga më të kritikuarit në humbjen 7-0 ndaj Liverpoolit, shënoi golin e tij të tetë këtë sezon teksa goditi me kokë drejt portës pas krosimit të Luke Shaw.
“Ai ishte lojtari më i mirë në fushë. Luajti një rol pak më të thellë, duke e bërë lojën nga pozicioni i mbrojtjes, me shumë pasime të mira në mes të linjave. Nga atje krijuam shumë raste”, deklaroi Eric Ten Hag.
Megjithatë, Fernandes mori një karton të verdhë pas një ndërhyrjeje të vonuar ndaj portierit Claudio Bravos.
“Pasioni i tij është forca e tij”, theksoi trajneri.
“Por ndonjëherë ai duhet ta kontrollojë veten, sepse mund të kthehet në dobësi. Ai e di këtë.”
Discussion about this post