Bashkia e Shkodrës e drejtuar nga Voltana Ademi, ka zhvilluar një tender duke skualifikuar kompanitë, përveç fituesit. Tenderi i hapur në datën 3 dhjetor 2021, për rikonstruksion shkolla “Jordan Misja” loti i dytë, ka numrin e referencës REF-13750-12-02-2021.
Fondi limit i këtij tenderi është 14.249.996 lekë të reja, ose rreth 143 milionë lekë të reja. Në këtë procedurë kanë marrë pjesë 2 kompani, “Shendelli” sh.p.k dhe “BLINISHTA” sh.p.k & NDERTUESI 2014 ”sh.p.k. Nga gara është skualifikuar kompania “Shendelli”, duke shpallur kështu fituese automatikisht bashkimin e operatorëve “BLINISHTA” sh.p.k & “NDERTUESI 2014” sh.p.k.
Në dokumentet e tenderit, shihet se “Shendelli” ka paraqitur ofertën më të ulët, pra 10,540,043 lekë të reja ose rreth 105 milionë lekë të vjetra. Ndërsa bashkimi i operatorëve BLINISHTA” sh.p.k & “NDERTUESI 2014” sh.p.k., kanë paraqitur ofertë më të lartë, 13,991,149 lekë të reja ose rreth 140 milionë lekë të vjetra. Pra, bashkimi i operatorëve “BLINISHTA” & “NDERTUESI 2014” kanë paraqitur rreth 35 milionë lekë më shumë se “Shëndelli” dhe janë shpallur fitues.
Ky është një tjetër rast ku Voltana Ademit i intereson oferta më e lartë për të bërë një punë, që një kompani tjetër e bën me më pak lekë.
Edhe ky prokurim është shoqëruar nga “Open Data” me flamurin e kuq duke ngritur shqetësimin për skualifikimin e të gjithë kompanive përveç fituesit. Këto procedura janë ngritur vazhdimisht si shqetësim në media dhe kritikuar nga institucionet monitoruese, por ende nuk ka ndonjë hetim apo verifikim të nisur as nga KLSH as nga Autoriteti i Konkurrencës.
Gijotina.com
Discussion about this post