Bashkia e Tiranës ka zhvilluar një tjetër tender, ku ka skualifikuar të gjithë kompanitë garuese përveç fituesit. Bëhet fjalë për tenderin e hapur në datën 5 janar 2022, për blerjen e pajisjeve për zjarrfikëset. Kjo procedurë mban numrin e referencës REF-16169-12-22-2021 dhe ka një fond limit prej 1.655.417 lekë të reja, ose rreth 17 milionë lekë të vjetra.
Në këtë tender kanë marrë pjesë në garë dy kompani, “KRIJON” shpk dhe “KLEDIA-06” shpk. Nga gara është skualifikuar shoqëria “KLEDIA-06” shpk, me arsyetimin se nuk ka paraqitur në sistem, kopje të certifikuara të bilanceve të tre viteve të fundit (2018, 2019, 2020) pranë autoriteteve përkatëse. Kështu, gara është zhvilluar vetëm me kompaninë “KRIJON” shpk, e cila është shpallur automatikisht fituese.
Por në dokumentet e tenderit, shihet se kompania e skualifikuar “KLEDIA-06” shpk, ka dhënë ofertën më të ulët sesa kompania fituese. Konkretisht, “KLEDIA-06” ka ofruar 1,480,000 ose rreth 15 milionë lekë të vjetra, rreth 2 milionë lekë të vjetra më pak se kompania që është shpallur fituese e tenderit, e cila ka paraqitur ofertën prej 1.618.000 lekë të reja, ose rreth 17 milionë lekë të vjetra.
Kjo procedurë është shënuar nga “Open Data”, me mbishkrimin e skualifikimit të të gjithë operatorëve konkurrues përveç fituesit. Kjo është një tjetër procedurë e Bashkisë Tiranë që drejtohet nga Erion Veliaj, që i shërben të vetmit qëllim, rrëzimin e ofertave më të mira se ajo fituese në mënyrë që tenderi të shkojë tek miqtë e tij. Ndërsa taksapaguesve shqiptarë do t’u shkojë një faturë rreth 2 milionë lekë me e shtrenjtë.
Gijotina.com
Discussion about this post