Bashkia e Tiranës e ka kthyer në diçka të zakonshme bërjen e tenderëve në shkelje të rregullave të prokurimit publik. Këtë avaz e hasim në të gjitha drejtoritë që janë në varësi të kësaj bashkie. Kësaj radhe në skenë del Agjencia e Parqeve dhe Rekreacionit, të cilës i duhen pajisje për të improvizuar skenat e shefit në mënyrë që të propaganda që bën kur flet në publik, të përçohet sa më mirë.
Në datën 11 Prill 2022, kjo Agjenci ka hapur tenderin për aparate, pajisje teknike, makineri, si foni, pajisje ndriçimi dhe videoprojektor. Tenderi mban numrin e referencës REF-24680-04-11-2022 dhe ka fondin limit prej 2.481.000 milionë lekë të reja, ose rreth 25 milionë lekë të vjetra. Edhe kjo procedurë është bërë si zakonisht vetëm me një konkurrent, ku kompania e cila ka marrë pjesë dhe është shpallur fituese është “PROSOUND” SH.P.K. Pra tenderi është bërë pa garë dhe për këtë është futur nga “Open Data” në kategorinë e flamurit të kuq me mbishkrimin e mungesës së konkurrencës.
Siç e kemi thënë dhe më parë, tenderët me një konkurrent lënë dyshime që fituesi është i paracaktuar. Por në rastin e këtij tenderi bien dhe dyshimet, pasi kompania “PROSOUND” është shpallur gjithmonë fituese në procedura të tilla. Kjo gjë ka rënë edhe në sytë e medias, ku jo pak herë e kanë cilësuar si kompani që është kthyer në monopol qeveritar në fushën e fonisë.
Jemi të vetëdijshëm që propaganda është kryefjala e “Rilindjes” dhe sidomos për kryebashkiakun Erion Veliaj, i cili i duhet një skenë e mirë kur takohet me njerëzit në mënyrë që të aktrojë sa më mirë. Dhe për këtë ka menduar që 25 milionë lekë t’ia jap pa garë kompanisë mikeshë e qeverisë, që me një rast edhe mikrofoni për gënjeshtrat e radhës mos t’i mungojë, edhe ca lekë nga taksat e qytetarëve të shkojnë në xhep.
Gijotina.com
Discussion about this post