Agjencia Shtetërore e Prokurimeve të Përqendruara ka realizuar një tender të dyshimtë ditët e fundit. Në datën 28 prill, ky institucion ka hapur tenderin me numër reference REF- 27107-04-28-2022 dhe me objekt “Shërbim gatimi dhe shpërndarje ushqimi për Repartin Ushtarak Nr. 1001, 1002, 1003, 1020, Zall-Herr, Qendër Tiranë”. Fondi limit i tenderit është 25,465,690 lekë të reja pa TVSH ose rreth 300 milionë lekë të vjetra me TVSH.
Edhe në këtë tender është përdor metoda e zakonshme që përdoret tashme nga shumë institucione publike në vend, duke dhënë tenderin pa garë. Madje, për këtë procedurë nuk ka pasur fare garë dhe fituese është shpallur kompania “KPL” SHPK, e cila ka paraqitur ofertën prej 25,105,087 lekë të reja pa TVSH ose rreth 300 milionë lekë të vjetra me TVSH.
Me një përllogaritje të thjesht, kjo shifër rezulton të jetë thuajse sa 100% e fondit limit, çka nxit dyshime të forta se kemi të bëjmë me një fitues të paracaktuar. Gjatë hulumtimit, rezulton se me letra është në pronësi të Ramazan Troka. Por, në dokumentet specifike të kopanisë, rezulton se pronarët e kësaj firme, del kudo emri i Nikolin Jakës dhe gruas së tij Alma Tafani.
Nikolin Jaka, është kryetari i Dhomës së Tregtisë, i përfolur vazhdimisht si një nga përfituesit më të mëdhenj të tenderëve publikë, sidomos gjatë qeverisje së “Rilindjes”. Edhe kësaj radhe, Jaka ka përfituar një dorë të mirë lekësh pa u lodhur fare, pasi duke qenë se kompanitë e tij janë të preferuarat e drejtuesve të institucioneve shqiptare, ligji i prokurimeve publike për të nuk do jetë problem.
Discussion about this post