Bashkia Tiranë nuk është transparente as me fondet që i përkasin rasteve më të veçanta sikur janë qendrat sociale për fëmijët apo qytetarët në nevojë . Përkundrazi edhe në këto raste Veliaj bënë shpenzime marramendëse, ndërsa qytetarët nuk marrin shërbimet që iu takojnë. Madje përdor këto kategori për të vjedhur më shumë para.
Vetëm pak ditë më parë, kryebashkiaku Erion Veliaj ka hapur tenderin me vlerën marramendëse 2. 8 mln lekë, me të cilin do paguajë kompaninë që do të furnizojë me ushqime, sipas bashkisë, mensën e Qendrës Komunitare Multidisiplinare. Kjo qendër është ngritur për t’i ardhur në gatishmëri fëmijëve në nevojë me argëtim, mësim dhe ushqime, gjithashtu edhe për të moshuarit herë pas herë apo për personat në nevojë. Por pikërisht kauzën e kësaj qendre Veliaj po e përdor për të gllabëruar nga buxheti i shtetit më shumë se 2.8 mln lekë. Kështu në vend që të ndihmojë njerzit në nevojë, vjedh nga taksat e popullit më shumë.
Nga këqyrja e dokumentit të publikuar për këtë tender, Gijotina.com evidenton se ai është hapur dhe mbyllur me shkelje të ligjit për procedurat kryesore. Madje dhe Openprocurement.al e klasifikon këtë tender në listën e kontratave me flamur të kuq, çka do të thotë se gara nuk është zhvilluar sipas ligjit të prokurimit dhe krijohen hapësira për të abuzuar përmes mos saktësimit të fondit limit.
Konkretisht në këtë tender kanë marrë pjesë dy kompani, por Bashkia Tiranë ka skualifikuar nga gara kompaninë “NELSA shpk” me justifikimin se nuk ka paraqitur nuk ka paraqitur deklarten nga operatori ekonomik se disponon në pronësi një pajisje isobox. Kur në fakt kjo kompani ka cdo dokument tjetër në rregull, plus kishte paraqitur ofertën më të ulët se kompania fituese. Por, sërish bashkia ka preferuar ta jap pa garë këtë tender ofertës me vlerë të përafërt sa fondi limit.
Skema e abuzimit
E gjithë kjo skemë është bërë për shkak se këtë tender për furnizimin e fiton gjithmonë Klodian Aliko. Pra për të na manipuluar dhe për të dalë e pastër, Bashkia Tiranë që ka nën patronazh këtë Qendër Multidisiplinare, hap tenderin dhe bënë një farë fiktive, kur ne çdo herë skualifion kompanitë garuese me justifikime të pabaza dhe çdo herë fituesi del Klodian Aliko. Prandaj, ky lloj tenderi del në çdo rast projekt me flamur të kuq.
Sakaq, ajo që bie në sy është se çdo bëj Bashkia Tiranë me kaq para, pasi kjo qendër bëhet multifunksionale vetëm për raste festash, kur Veliaj dhe drejtuesit e qendrës duan të mburren para popullit. Ku shkojnë këto para kur shumë njerëz në nevojë, shumë fëmijë në nevojë ende rrugës dhe nuk marrin asnjë ndihmë qoftë ushqimore, qoftë përkrahje apo ndihmë për të mos u endur rrugëve. Ku shkojnë miliarda lekë, pasi edhe në vitin që lamë pas po për këtë çështje janë hapur gati 3 tenderë brenda muajit dhe në çdo rast ka fituar Klodian Aliko. Madje personi fitues ka marrë para për të furnizuar “mensën e propagandës” që nga viti 2013. /E.H/Gijotina.com
Discussion about this post