Rritja e çmimeve dhe shtrenjtimi i jetesës në Shqipëri është një nga sfidat e radhës që duhet të përballen qytetarët shqiptarë. Ndryshe paraqitet situata tek drejtuesit e institucioneve, që edhe në kohë krize gjejnë mundësi për të bërë tendera për rehatinë e tyre sesa për nevojat parësore që t’u vijnë në ndihmë qytetarëve. Këtë na e tregon kësaj radhe ish-kunata e kryeministrit Edi Rama dhe njëkohësisht drejtoresha e QSUT ka mobiluar zyrën e saj dhe të drejtorëve me paratë e popullit, Albana Fico.
Agjencia e Blerjeve të Përqendruara, zyrë që është në varësi të kryeministrisë, ka hapur një tender për blerjen e orendive dhe pajisjeve për mobilimin e zyrave të Qendrës Spitalore Universitare “Nënë Tereza”, ose siç njihet ndryshe QSUT. Tenderi me numër reference REF-23833-04-02-2022, është hapur në datën 4 Prill 2022 dhe ka fondin limit prej 147 864 532 lekë të reja pa TVSH, ose rreth 1.4 miliard lekë të vjetra pa TVSH. Pra, në një kohë kur qeveria nuk ka mundësi që të ndihmojë qytetarët për përballimin e rritjes së çmimeve dhe kostove të jetesës, bën tender 1.4 miliard lekë për të zbukuruar me mobilje zyrat e drejtoreshës së QSUT-së.
Në mobilimin e zyrave janë kërkuar orendi dhe sende nga më modernet ku në listë janë përfshirë edhe kasafortat, televizorët apo shtretërit tek dhe dysh. Për çfarë mund t’i hyjë në punë krevati dysh në zyrën e saj drejtoreshë Albana Ficos? Apo kasafortat?
Kjo procedurë është kontestuar disa herë për skualifilim të të gjithë operatorëve ekonomikë përveç fituesit, i është dhënë RO-AL të Robert Kasos, me ofertën 74 993 500 lekë të reja, ose rreth 750 milionë lekë të vjetra. Kaso është mobiluesi personal të zyrave të titullarëve të shtetit. Deri më tani kjo kompani ka lidhur 23 kontrata publike me pushtetin lokal, ku kryeson bashkia Tiranë dhe ajo Shkodër për mobilim zyrash. Kaso është kthyer në klientin e preferuar qeveritar por më gjerë mbi shkeljet e kësaj kompanie me procedurat e tenderimeve publike do të shkruajmë në vazhdim.
Duket se Rama i mban afër njerëzit e ish-gruas, si burrin e ri Bledi Çuçin të cilin e ka bërë ministër të Brendshëm ashtu edhe ish-kunatën të cilën e emëroi drejtoreshë në QSUT. Kjo për shkakun se vetëm personave të afërm mund t’jua besojë zhvatjen e taksave të popullit.
Discussion about this post