Korporata Elektro Energjitike nuk ka të ndalur shpërdorimin e parasë publike. Edhe pse u cilësua si një vit i vështirë për sektorin energjetik shqiptar, abuzimi nuk është vetëm tek shitja e energjisë por edhe me investimet.
Në tetor kur kriza ishte shpallur nga KESH, i cili drejtohet nga Ergys Verdhon, është mbyllur një tender ku është zgjedhur fituese kompaninë që nuk ka dhënë ofertën më të mirë. Në tenderin me vlerë rreth 850 mijë dollarë të mbyllur në 4 tetor për mirëmbajtjen impianteve të ngrohjes, ftohjes, ventilimit, furnizim me ujë, dhe mbrojtjes kundër zjarrit në godinat e hidrocentraleve të Vaut te Dejës, Fierzës dhe Komanit, morën pjesë katër kompani.
“GSM KLIMAIRE”, ishte oferta më e mirë që u dha me rreth 690 mijë dollarë, por kjo nuk i mjaftoi kesh. Fituese u shpall oferta e renditur e dyta e dhënë nga bashkimi i kompanive “CLIMACASA” dhe “AL-TEK” me rreth 810 mijë dollarë. Pra plot 120 mije dollarë më shumë se oferta më e mirë. Dy ofertat e tjerë njëra ishte pa vlerë dhe tjetra më e lartë.
Për skualifikimin janë futur në lojë një sërë kleçkash për mënyrën se si janë plotësuar formularët, ndërkohë që është rrëzuar kriteri kryesor për të shpallur fituesin, që është ai i ofertës më të mirë financiare. Abuzimi është me rreth 13% e vlerës të tenderuar nga KESH, ndërkohë bëhet fjalë për një tender për shpenzime operative, për impiantet klimaterike në HEC-e (kondicionerë) dhe që zhvillohet në mes të një krize të fortë energjetike që ka goditur financat e kompanive publike të sistemit energjetik shqiptar.
Discussion about this post