Bashkia e Durrësit vazhdon traditën e tenderave pa garë ku kësaj radhe kompania Eurondërtimi 2000 shpk fiton e vetme 1,7 miliardë lekë të vjetra pa TVSH në 9 mars për rikonstruksionin e zonave të Durrësit për Programin e Rindërtimit.
Në këtë rast është përdorur përsëri procedura e kufizuar e cila kufizon konkurrencën mes operatorëve dhe nuk lejon zhvillimin e garës së hapur, duke lënë vend për dyshime për korrupsion sipas Open Data Albania. Madje procedura e kufizuar që është përdorur në këtë tender ka hapur një kapitull të ri të bashkëpunimit të OJF-ve me Partinë Demokratike.
Konkretisht në 28 shtator 2021 Instituti Shqiptar i Shkencave (AIS), i cili është promotor i Open Data Albania bëri një kërkesë padi në Gjykatën Kushtetuese për Shfuqizim të pjesshëm të Aktit Normativ nr. 9 të miratuar nga qeveria Rama për Programin e Rindërtimit për zonat e prekura pas tërmetit të 26 Nëntorit 2019.
Ky Akt Normativ sipas AIS cënon lirinë e veprimtarisë ekonomike, parashikuar në nenin 11 të Kushtetutës për Prokurimet Publike. Në këtë mënyrë krijohen hapësira për pabarazi, klientelizëm, favorizim dhe veprime korrupsioni në dëm të Fondeve Publike.
Por Gjykata Kushtetuese refuzoi kërkesë padinë sepse Shoqata nuk justifikonte interes të drejtpërdrejtë me kërkimin.
Megjithatë në 22 dhjetor 2021, kryetari i Partisë Demokratike Lulzim Basha në atë kohë deklaroi se do të dërgonte në gjykatë ligjin për tenderat e Rindërtimit ku Partia Demokratike do të bënte një padi të nisur nga Open Data, e cila nuk ka legjitimitet në Kushtetuese.
Megjithatë kjo nuk e ka ndalur kryetaren e bashkisë Durrës, Emirjana Sako të organizojë 3 tendera me procedurë të kufizuar gjatë vitit 2022. Njërin prek këtyre tenderave e ka përfituar bashkimi i operatorëve “RAJLI NDERTIM” SHPK – “GPG COMPANY” SHPK me ofertë fituese 2 miliardë lekë të vjetra pa TVSH.
Kompania Eurondërtimi 2000 shpk me pronar Qani Saraci ka përfituar rreth 5 milionë euro nga tenderat me bashkitë ku vetëm 82% e tyre i ka marrë nga bashkia Durrës me vlerë 4 milionë euro pa TVSH të shpërndara në 4 tendera për Programin e Rindërtimit.
Në të 16 tenderat që kjo kompani ka marrë pjesë në nivel bashkish, në të 16 është shpallur fituese, disa herë me ofertën më të mirë, disa herë sepse konkurrentët skualifikoheshin dhe në disa raste sepse nuk ka patur konkurrentë ku rasti i fundit nuk është i vetmi me dyshime për korrupsion dhe sjellje abuzive sipas Open Data.
Discussion about this post