Gjykata e Posaçme për Korrupsionin dhe Krimin e Organizuar, ditën e sotme ka lënë të lirë biznesmenin Vladimir Topi.
GJKKO dha masën “Arrest shtëpie” për Vladimir Topin, biznesmenin 73-vjeçar që u arrestua nga Struktura e Posaçme kundër Korrupsionit dhe Krimit të Organizuar.
Topi akuzohet për “Korrupsion aktiv ndaj zyrtarëve publikë”.
Prokuroria është shprehur se biznesmeni nga Lushnja që administron kompaninë e ndërtimit “Dricons”, ka paguar një shumë prej 3.3 milion lekë të vjetra tek sekretarja e Përgjithshme e ministrisë së Shëndetësisë, Joana Duro, me qëllim fitimin e një tenderi me vlerë 8 milionë lekë të vjetra.
Tenderi i supervizimit në lidhje me rikonstruksionin e disa qendrave shëndetësore, çoi pas hekurave sekretaren e Përgjithshme të Ministrisë së Shëndetësisë, si edhe Laura Shteton, me detyrë Specialiste e Nivelit të Lartë në Agjencinë e Ofrimit të Shërbimeve Publike të Integruara.
Discussion about this post