Abuzimet e kryebashkiakut Erion Veliaj në lidhje me tenderët nuk kanë të sosur, si duket hapja e tenderëve pa garë është “hobi” i tij. Vazhdimisht Gijotina.com ka denoncuar sagën e shkeljeve që bën Veliaj me tenderët, ku pjesa më e madhe prej tyre janë me shkelje ligjore ose me kompani fituese fiktive dhe fantazmë. Në javët e fundit kryebashkiaku i ka shtuar numrin e tenderëve pa garë, ndërsa i fundit bën fjalë për blerje tubash të brinjëzuar, për të cilin ka dhënë mbi 12 milionë lekë për kompaninë që favorizon në çdo garë.
Ky tender është i skuailfikuar në radhën e kontratave “Red Flag”, çka do të thotë se janë shkelur rregullat bazë të trasparencës dhe konkurrimit. Në këtë rast, Veliaj ka skualfikuar nga gara kompaninë BAÇI – EL 2003 SH.P.K, duke thënë se, nuk përmbush pikën 2.3.5 të kapacitetit teknik ku parashikohet se: “Operatori ekonomik duhet të paraqesë në vendin dhe orën e përcaktuar për hapjen e ofertave në dokumentat e tenderit, nga një mostër për gjithë mallrat, objekt prokurimi. Mosparaqitja e mostrave përbën shkak për skualifikim” pasi operatori ekonomik nuk është paraqitur në datën dhe orën e përcaktuar. Për të njëjtën arsye ka përjashtuar edhe kompaninë SARK sh.p.k, duke lënë në garë vetëm kompaninë LIGUS sh.p.k. Kjo kompani është e njohur për përfitimin e tenderëve, duke qenë e vetmja në garë dhe që asnjëherë nuk skualifikojet edhe kur është në shkelje të rregullave.
Rast i përsëritur
LIGUS sh.p.k për tenderin në fjalë ka fituar 12. 292. 000,00 për një shërbim që Bashkia mund të kryente pa tender, ose të paktën brenda rregullave. Por, kjo nuk është hera e vetme, kohë më parë kryebashkiaku Veliaj për llojin e kontratës publike blerje mallrash me objekt tenderimi “blerje makineri pajisje (automjete)”, me vlerë 43,200,000,00 lekë, ka eliminuar nga gara tre nga katër operatorët duke shpallur fitues kompaninë “LIGUS SHPK”.
Kjo për faktin se, Veliaj ka përjashtuar nga gara kompaninë BO “Pastrime Silvio Shpk & Timak” Shpk me argumentin se, nuk e ka përmbushur kriterin e kërkuar në shtojcën 9 të DST pasi në kontratën e bashkëpunimit nuk janë përcaktuar elementët konkret në përputhje me bazën ligjore në fuqi. Ndërsa operatori konkurrues “Mektrin Motors” Shpk është përjashtuar me argumentin se, nuk plotëson Kriteret e Veçanta për kualifikim. Por, po ashtu është përjashtuar nga gara edhe operatori konkurrues Rrapi Myzeqari Shpk me argumentin se, nuk ka paraqitur në sistemin elektronik ofertën ekonomike dhe dokumentacionin e plotë ligjor e teknik të kërkuar në Shtojcën e DT, duke shpallur kështu automatikisht fitues kompaninë LIGUS SHPK.
Sakaq, ajo që vihet re është se kjo kompani ka ofruar vlerën më të lartë nga dy kompanitë e tjera, madje me një vlerë shumë të përafërt me fondin limit, konkretisht 11. 456. 380,00 lekë. Pra, përveç se të japë tenderë pa garë, mania e Erion Veliajt është t’i japë tenderon kompanisë me ofertën më të shtrenjtë.
E.H/ gijotina.com/
Discussion about this post