Tenderi 7.8 MLD lekë, Manastirliu manipulon me kritere favorizuese, KPP ia rrëzon

Vetëm pak ditë pas skandalit me sekretaren e Ministrisë së Shëndetësisë, e cila mori ryshfet për një tender, vjen një tjetër skandal i thurur nga vetë ministrja Ogerta Manastirliu. Në mars të këtij viti, Ministria e Shëndetësisë ka  hapur garën për tenderin me objekt “Shërbimi i trajtimit dhe asgjësimit të mbetjeve spitalore, për mbulimin e nevojave spitalore për një periudhë 36 mujore”. Kemi të bëjmë me një tender që kërkon kujdes të veçantë, plus faktit që ka një fond limit prej 7.8 miliardë lekësh.

Tenderi është publikuar më datë 10 mars 2023 nw Sistemin e Prokurimeve Elektronike.

Ndërsa më datë 20 mars, ndaj tij është bërë denoncimi në Komisionin e Prokurimeve Publike, nga firma “Eco Empire” SHPK.

Sigurisht KPP ka njoftuar menjëherë Ministrinë e Shëndetësisë për këtë denoncim dhe i ka lënë hapësirën që të rishikojë procedurat. Por, Ogerta dhe stafi i saj nuk e kanë marrë fare mundimin të shqyrtojnë këtë ankesë dhe kanë njoftuar mospranimin e saj.

Kështu, si radhë herë, KPP i ka hyrë shqyrtimit të thellë kësaj ankese dhe ka evidentuar kriteret e parregullta të vendosura nga Ministria e Shëndetësisë.

Së pari, operatori ekonomik ankimues pretendon, se përllogaritja e kapacitetit të punimit të impianteve mund të bëhet edhe për 24 orë në ditë punë pa ndërprerje.

Duke theksuar se Autoriteti Kontraktor ka cenuar konkurrencën e lirë përmes disa kritereve të panevojshme rreth kapacitetit të impianteve.

Pas shqyrtimit, KPP ka pranuar pjesërisht pretendimet e “Eco Empire” SHPK, duke theksuar se në rastin konkret nuk duhet të harrojmë se ndër qëllimet e rëndësishme të ligjit është ajo e mirëpërdorimit të fondeve publike, qw ministria e ka anashkaluar.

Gjithashtu, KPP i ka dhënë të drejtë denoncuesit për pikën ku Ministria kërkon që operatori të dorëzojw dy dokumente të cilat vërtetojnë se në 3 muajt e fundit ka depozituar mbetje të këtij lloji. Në shqyrtimin e këtij kriteri KPP shprehet se Ministria nuk e ka argumentuar atë me bazë ligjore dhe lw hapwsirw për favorizim të ndonjë operatori specifik.

Për këtë arsye, KPP ka marrë vendimin që procesi i tenderit të ndërpritet dhe Ministria e Shëndetësisë të modifikojë ato kritere që bien ndesh me ligjin “Për Prokurimet Publike”.