Bashkia e Shijakut është një prej institucioneve që përdor shpesh metodën e zhvillimit të tenderëve me vetëm një konkurrent. Kësaj radhe ka punuar edhe natën e vitit të ri, pra më 31 dhjetor 2021, kur administrata shtetërore e ka pushim, siç duket bashkia që drejtohet nga Elton Arbana ka qenë në punë dhe kanë gjetur kohën për të hapur dhe një tender. Procedura e cila mban numrin e referencës REF-16742-12-30-2021, me qëllim blerje karburanti, ka fondin limit 8.000.000 lekë të reja, ose 80 milionë lekë të vjetra.
Dhe kur bie fjala tek blerja e karburanteve, rrallë ndodh që në procedurat publike mos të jetë kompania “Kastrati” sh.p.k. Madje, ndodh shpesh që në procedurat e shumë institucioneve publike, kjo kompani është e vetmja garuese pa asnjë konkurrent tjetër. E njëjta gjë ka ndodhur edhe në tenderin e Bashkisë Shijak, ku “Kastrati” sh.p.k është e vetmja kompani që ka marrë pjesë në garë dhe që është shpallur fituese automatikisht.
Gjithmonë procedurat publike që zhvillohen pa garë, “Open Data” u vë flamurin e kuq me mbishkrimin e mungesës së konkurrencës. Duke qenë se procedurat me një konkurrent hedhin dyshime që fituesi është i paracaktuar, ato përforcohen akoma më shumë kur në lojë është kompania “Kastrati” sh.p.k. Kjo pasi jo pak herë pronarët e saj janë akuzuar nga faktorët politik si miq të qeverisë, madje akuzat shkojnë deri aty ku i kanë konsideruar si një prej oligarkëve më të mëdhenj të vendit. Siç duket, kryebashkiaku Arbana ka menduar që të punojë deri ditën e fundit të vitit 2021, në mënyrë që t’i bëj dhuratën e radhës mikut të shefit të tij.
Gijotina.com
Discussion about this post