Ministrja e Infrastrukturës dhe Energjisë, Belinda Balluku edhe kafen e merr me tender nga lekët e shtetit. Ndërsa Kuvendit po i del flaka dhe Buxheti për vitin 2024 kalon përmes tymit të opozitës, Balluku nuk trazohet fare. Ministrja ulet në kolltuk dhe pret t’i sjellin kafenë.
Kaq shumë konsumon Belinda dhe stafi i saj, sa i duhet të bëjë disa tendera brenda vitit vetëm për këtë mall. Në korrik të këtij viti, Ministria e Infrastrukturës ka hapur procedurat për tenderin me objekt “Blerje Kafeje”. Procedurat janë “zvarritur” dhe më datë 10 nëntor 2023 Balluku ka shpallur fituesin.
Mirëpo dikush kërkon transparencë për tenderin e kafesë. Më datë 16 nëntor 2023, është dërguar një ankesë në Komisionin e Prokurimeve Publike. Mësojmë se tenderi jap vlerën 770 mijë lekë. Kaq shujë kafe konsumoka Belinda?! Ankesa është bërë nga Bibë Pjetërgjoka dhe nuk dihet saktësisht se çfarë përmban kërkesa pasi KPP e mban të fshehtë dokumentin. Edhe pse rregullin e kërkon ankesa të bëhet transparente me të dhënat kryesore në faqen zyrtare të KPP, nga frika se mos shqetësohet Belinda, nuk e kanë ngarkuar dokumentin.
Megjithëse po flasim për tender me vlerë të vogël, nuk është çudi që ministrja të ketë marrë ndonjë vendim arrogant me shkelje.
Ndërkohë, vlen të përmendim se në muajin shkurt të këtij viti, Balluku e ka mbyllur prokurime për blerje kafeje, por si duket i paska mbaruar furnizimi. Në atë kohë ministrja e Infrastrukturës dhe Energjisë firmosi dy tenderë me objekt blerje kafe dhe ujë natyral.
Sipas të dhënave të dokumenteve në Agjencinë e Prokurimeve, në këtë rast janë shpenzuar 1.24 milionë lekë për blerje kafeje dhe 1.1 milionë lekë për ujin. Në atë tender nuk përcaktohej afati, sepse nuk dihet saktë sa kafe në ditë pi Balluku dhe stafi i saj.
Ky avazi kafeve është çdo vit. Edhe në 2022 rezulton se Ministria e Infrastrukturës dhe Energjisë ka shpenzuar 8.8 milionë lekë për kafe dhe ujë. Ky mall blihet vetëm për Ballukun dhe stafin e saj, sepse në raste takimesh apo aktivitetesh zyrtare, ministrja hap tender tjetër për katering.
Duke pasur parasysh tenderët dhe koncesionet qindra milionë Euro që kalon nëpër duar ministrja Balluku, ju duket çudi që ajo të bëjë edhe abuzime të vockla si ky me kafetë. Por edhe gjëmbi i ferrës të shpon! Duke ditur trashëgiminë e saj (si familje e ish- Bllokut të Udhëheqjes) i kujtojmë të bëjë kujdes se edhe Nexhmije Hoxha për kafetë shkoi në burg!
Lexo edhe: Përplasje mes “rilindësve”. Milot-Balldre, Balluku i shton një Arbitrazh tjetër Shqipërisë
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post