Një tjetër abuzim me tenderat e institucioneve publike nga zyrtarë të Bashkisë Tropojë.
Kontrolli i Lartë i Shtetit ka kallëzuar në SPAK dhe në Prokurorinë e këtij qyteti, një rast të abuzimit të tenderave ku janë përfshirë nëntë funksionarë të Bashkisë.
Nëpërmjet një deklarate për shtyp, KLSH thekson se 9 bashkiakët kanë përfituar nga tenderi i “Shkollës Asim Vokshi- palestër dhe terrene sportive dhe sistemime të jashtme në gjimnazin “Asim Vokshi”.
Në lidhje me këto shkelje, Kontrolli i Lartë i Shtetit ka kallëzuar në SPAK tre funksionarë të Bashkisë Tropojë, anëtarë të KVO-së, për veprën penale “Shkelja e barazisë së pjesëmarrësve në tendera apo ankande publike”, parashikuar nga neni 258 i Kodit Penal, si dhe anëtarë të njësisë se prokurimit dhe komisionit të vlerësimit të ofertave, për procedurën e prokurimit me objekt “Rikonstruksion i pesë segmenteve rrugore fshati Gri, Bujan, Cërrnicë” të cilat në tërësinë e tyre përmbajnë elementë të veprës penale “Shpërdorim detyre”.
Në lidhje me shkeljet e konstatuara, KLSH ka depozituar në Prokurorinë pranë Gjykatës së Shkallës së Parë Tropojë kallëzim penal për personat e sipërcituar.
Discussion about this post