SPAK ka kaluar për gjykim në GJKKO dosjen ndaj Sonila Qatos, ish-ministre dhe ish-drejtoreshë e Autoritetit Rrugor Shqiptar. Bashkë me Qaton në gjykim janë edhe 9 zyrtarë të tjerë të ARRSH. Bëhet fjalë për tenderin e rrugës Kardhiq-Delvinë, për të cilën hetimet kanë nisur në 2019, pas kallëzimit në SPAK nga kompania “Gjoka Konstruksion”, e cila pretendoi se është përjashtuar në mënyrë të padrejtë dhe antiligjore nga kryerja e punimeve të rrugës Kardhiq-Delvinë.
Hetimet për të njëjtën çështje, pra rrugën Kardhiq-Delvinë, vijojnë me një dosje të dytë në SPAK, ndaj Agron Hysës njërit prejt pronarëve të shoqërisë private “Vëllezërit Hysa”, Elton Mustës, financierit të kësaj kompanie dhe kompanisë tjetër të ndërtimit “Sulova Ndërtim Prodhim”.
Hetimi për dosjen e dytë po zhvillohet për akuzën e “Falsifikimit të dokumenteve”, pasi jepen raporte financiare në kryerjen e volumit të punimeve me të dhëna të rreme.
Në seancën paraprake, gjyqtari i GJKKO Erjon Bani ka miratuar veprimet hetimore të prokurorit të SPAK, Elvin Gokaj, duke vendosur kalimin për gjykim të 10 të pandehurve të kësaj dosje penale që mban nr. 175.
Gjatë kësaj seance, Sonila Qato kërkoi pushimin e dosjes, pasi sipas saj nuk ekziston asnjë element penal që faktonte “Shpërdorimin e detyrës” prej saj. Katër nga të pandehurit, përfshirë këtu Sonila Qaton hynë me gjykim të zakonshëm, duke pretenduar ti nënshtrohet një procesi gjyqësor që do zhvillohet fletë pas flete në dosjen penale.
Ndërsa 6 nga të pandehurit kërkuan gjykim e shkurtuar, të cilin ja pranoi gjykata.
Emrat e zyrtarëve të Autoritet Rrugor Shqiptar, rezultojnë të jenë implikuar në dosjen penale me Nr.175 që bën fjalë për abuzimet në ndërtimin e lotit Nr.7 të rrugës Kardhiq-Delvinë.
Sipas dokumentacionit të siguruar rezulton se bëhet fjalë për 10 persona zyrtarë të ARSH, ku në krye të listës në cilësinë e të pandehurës qëndron ish-drejtoresha e këtij institucioni, Sonila Qato.
Ndërsa lista vijon me Erdit Salillarin, Elona Gogo, Simon Prendi, Admir Pahumi, Miranda Shkurti, Arbër Troka, Almir Hoxhaj dhe Arjana Hasani.
Discussion about this post