Ish-drejtoresha e Agjencisë së Blerjeve të Përqëndruara në Ministrinë e Brendshme, Edlira Naqellari është liruar nga burgu, pasi ka përfunduar dënimin.
Naqellari u akuzua për “shkelje të barazisë në tendera” lidhur me tenderin 28 miliardë lekë të uniformave të policisë, ku u vu në pranga më 10 korrik bashkë me 9 persona të tjerë.
Këta të fundit u akuzuan për “shpërdorim detyre” dhe “shkelje të barazisë në tendera”. Gjatë hetimit rezultoi e provuar sipas SPAK se 4 operatorët ekonomikë që u shpallën fitues nuk i plotësonin kriteret për të fituar tenderin. Me 8 deri në 1 vit burg është dënuar Fatmir Demneri, Mariglen Buzali, Gezim Mingaj, Anisa Bogdani, Klevis Hasani, Flutura Cerkezi, Ani Omuri dhe Kreshnik Bejkaj.
Kujtojmë se, zyrtarë dhe ish-zyrtarë të Ministrisë së Brendshme u arrestuan 8 muaj më parë pas një operacioni të udhëhequr nga SPAK lidhur me abuzimet për tenderin e uniformave të policisë në vitin 2020, vlera e të cilit arrinte në 28 milionë euro.
Discussion about this post