Gëzim Topçiu, kryebashkiaku i Maliqit, po i hedh në kanale paratë e taksave që u hiqen qytetarëve nga buka e gojës.
Aferën e radhës e ka firmosur më datë 21 korrik 2023 dhe ka si objekt “Zhbllokimi i shkarkuesve dhe kanal ujëmbledhës”. Për të zhbllokuar këto kanale, Topçiu ka vënë në dispozicion 470 milionë lekë. Duke marrë parasysh se Maliqi është bashki e vogël rurale, ky është një fond i madh, që duhej administruar me kujdes. Por Topiu e ka zakon shpërdorimin. Sipas dokumenteve standarde, projektin parashikon shpenzime për gërmime dhe mbushje, si dhe pastrim i barishteve që bllokojnë kanalet.
Fillimisht ishin 5 firma që shfaqën interes për këtë tender, por katër prej tyre Topçiu i skualifikoi nga gara që në start. Kështu kontrata i mbeti firmës ARTYKA II, në pronësi të Qirjako Argjirit dhe Edison Zaçit. Kjo kompani kishte ofertën me vlerë 420 milionë lekë, ndërsa dy nga firmat e skualifikuara kishin oferta 100 milionë lekë më lirë.
Në këtë prokurim u shkelën dy kriteret kryesore, në lidhje me konkurrencën dhe raportin me fondin limit Pavarësisht shkeljeve, Topçiu vendosi t’ia japë tenderin pa garë kompanisë së vetme të mbetur në garë. Dhe për këtë, tenderi është vlerësuar me “Flamur të Kuq” nga portali monitorues Open Data Albania.
Kryebashkiaku u kujtua për kanalet kulluese, pasi ka harxhuar disa mandate në krye të Maliqit, edhe pse çdo vit shumë zona përreth përmbyten kur ka reshje shiu.
Topçiu ka marrë më 14 maj 2023 mandatin e shtatë të kryetarit të bashkisë Maliq, ndërsa kujtojmë se u bë kryebashkiak për herë të parë në vitin 2000 kur ishte vetëm 30 vjeç.
Pra është një nga ata zyrtarë që ka thyer rekord në mbajtjen e detyrës, por ka shënuar kulme, edhe me abuzimin me buxhetin e bashkisë. Në këto vite Topçiu ka firmosur dhe shpërdoruar shumë fonde, por asnjë herë nuk ka dhënë llogari për këto përgjegjësi! Dera e SPAK-ut do të hapet një ditë edhe për Topçiun që i bie me top tenderëve!
Lexo edhe: Spaho denoncon në polici: Si më sulmuan ‘gorillat’ e Topçiut
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post