Tashmë janë bërë të qartë disa nga biznesmenët e pikasur nga Erion Veliaj, me të cilët bashkëpunon gjithmonë për aferat marramendëse. Ai ka zgjedhur disa biznesmen që ofrojnë shërbime të ndryshme dhe sëbashku me ta vjedhin paratë e qytetarëve përmes abuzimeve në procedurat tenderuese.
Këtë herë ka futur në mes firmën Eco Tirana, e cila si përgjegjësi pastrimin e qytetit të Tiranës dhe 51% e aksioneve të saj janë në pronësi të Bashkisë. Me pak fjalë lekët qarkullojnë e sërish shkojnë tek kryebashkiaku Erion Veliaj.
Eco Tirana ka regjistruar më datë 21 shtator tenderin me objekt “Mbulim siguracione, siguracione per kontratën e shërbimit, ndërtesën dhe përgjegjësinë civile, siguracione TPL auto e moto”, që sigurisht bëhet fjalë për kontratë e shërbimit të pastrimit. Kontratë që vetëm ka vjelë para nga qytetarët ndërsa pisllëku ka zaptuar kryeqytetin.
Për këtë tender do të merren nga taksat tona 37 milionë dhe do të ikin menjëherë në arkën e biznesmenit Shefqet Kastrati. Sikur shohim në dokumentet e tenderit, vetëm firma ALB – SIGURACION ka shfaqur interes për këtë tender dhe ka pasur ofertën sa 99% e fondit limit. Ligjërisht, Eco Tirana duhet ta anulonte procedurën, por nuk mund të linte pa gjë mikun e Veliajt.
Kështu gjë pa e zgjatur shumë, pa konkurrencë fare, në shkelje të ligjit lidhi kontratën si fitues me firmën ALB – SIGURACION, e cila është në pronësi të Shefqet Kastratit.
Biznesmeni që përpinë fondet
Që prej ardhjes në pushtet të Edi Ramës, Kastrati ka fituar mbi 600 tendera shtetërorë, me vlerë qindra milionë euro, përmes kompanive të tij që merren me tregtinë e naftës dhe sigurimet. Vetëm një nga ato kompani ka marrë mbi 400 tenderë, me një marzh fitimi deri në 30%. Kastrati ka fituar rreth 40 tendera vetëm në Bashkinë e Durrësit, ku sipas mediave shqiptare është në marrëdhënie të ngushta me Luzim Berishën, kreun e të ashtuquajturit të “klanit Drak”.
Mediat e quajnë Kastratin “mbret i korrupsionit, lidhjeve me krimin, pastrimit të parave, zhvatjes së të mirave publike” dhe e akuzojnë për lidhje personale dhe biznesi me trafikantin ndërkombëtar të drogës Anton Gjinaj, i njohur ndryshe si Pashk Rapi, i cili u arrestua në prill 2021 në kufi në vendkalimin e Bozhajt, me fletarrest ndërkombëtar për kontrabandë droge dhe ndodhet në burg në Spuz.
Përveç qytetarëve që e akuzojnë se u ka shitur karburantin më të shtrenjtë në Ballkan, çmimi i të cilit nuk dihet se sa shkon për të ashtuquajturat “fondet e zeza”, emri i Kastratit përmendet edhe në disa raste të vrasjeve, rrëmbimeve dhe shantazheve. Pas tërmetit shkatërrues në Shqipëri në vitin 2019, Shefqet Kastrati u vu nën kritika të ashpra publike, për shkak se në autostradën që ai menaxhon vendosi tarifa për automjetet që vinin nga ose nga Kosova për të shpërndarë ndihma humanitare për familjet që mbetën pa çati.
Edhe sot, pabesisht denoncimeve në media, vendimeve të KPP, Kastrati vazhdon të jetë i përkëdheluri i zyrës.
Lexo edhe:Zjarri në Tiranë/ Teliti: Erion Veliaj të dorëzojë dosjen teknike
Discussion about this post