Autoriteti Rrugor Shqiptar vazhdon serinë e abuzimeve me fondet e tenderëve të majmë për ndërtimin e unazës se re të Tiranës. Skandali i radhës me lotin 2 të punimeve në unazën e lindore, do t’u kushtojë taksapaguesve rreth 2 milion dollarë më shumë, se oferta më e mirë.
Plotësimi i punimeve dhe rrugët lidhëse në Unazën Lindore, Loti 2, fondi limit ka qenë afro 9,9 milion dollarë, dhe fituesi duhej përzgjedhur sipas ofertës ekonomikisht më të favorshme bazuar në kosto, ku pjesa e çmimit më të mirë zë pjesën kryesore.
Në këtë tender kanë marrë pjesë në garë 7 kompani dhe oferta më e leverdisshme është dhënë nga bashkimi i kompanive CURRI” SHPK & “BE – IS” SH.P.K me rreth 7,4 milion dollarë. Por Autoriteti Rrugor Shqiptar i drejtuar, nga Evis Berberi ka shpallur fituese, kompaninë ‘Albavia’ me rreth 9,4 milion dollarë, plot 2 milion dollarë më shume se oferta më e mirë.
ARRSH nuk ka skualifikuar vetëm ofertën e klasifikuar si e para, por ka përjashtuar edhe tre oferta të tjera me të mira. Skualifikimet lidhen me sigurimin e ofertës, me përshkrimin e kapaciteteve mbajtëse të eskavatorit apo gjatësinë e autopompës në një rast.
Përpos këtyre, një prej kompanive i është përcaktuar si kriter skualifikues edhe mungesa e certifikatave të sistemeve kundër zhurmës. E gjitha kjo listë i ka shërbyer ARRSH për të vetmin qëllim, rrëzimin e ofertave më të mira se ajo fituese, ndërsa taksapaguesve shqiptarë do t’u shkojë një faturë 2 milion dollarë me e shtrenjtë.
Discussion about this post