Posta Shqiptare është përfshirë në një skandal që mban vulën e 800 milionë lekëve, të cilat merren nga taksapaguesit shqiptar. Bëhet fjalë për tenderin më numër reference REF-16789-12-30-2021, që ka si objekt blerjen e internetit nga një kontraktues, që do të pajis zyrat e këtij institucioni me WiFi për një periudhë 2 vjeçare. Tenderi në fjalë i dhënë nga Posta Shqiptare, institucion nën drejtimin e Ervin Bushatit, është ankimuar nga një prej operatorëve konkurrues, pasi ka favorizuar subjektin fitues, përmes kritereve të panevojshme të përcaktuara për kompaninë kontraktuese.
Operatori “ Albanian Telecommunations Union” sh.p.k, ka ankimuar procedurën e ndjekur për shpalljen e fituesit duke përpiluar kërkesën pranë Komisionit të Prokurorimit Publik, ku argumenton se mënyra e ndjekur nuk është legjitime, pasi favorizon fituesin. Në ankimimin e depozituar evidentohet se në kërkesat e paracaktuara kërkohen shërbime dhe pajisje që nuk kanë të bëjnë me objektin e kontratës. Konkretisht në kërkesat e paracaktuara kërkohet nga pjesmarrësit në garë që operatori ekonomik duhet të ketë partneritet me prodhuesit/distributorët e autorizuar të pajisjeve dhe shërbimeve për optimizmin e performancës dhe mbrojtjes së aksesit në aplikacione që kërkohen në specifikimet teknike. Lidhur me këtë shërbim Posta Shqiptare kërkon një certifikatë ose deklarim nga faqja zyrtare e prodhuesit, por në fakt ky kriter është diskriminues dhe favorizues i fituesit, pasi ky lloj shërbimi nuk ka të bëjë aspak me objektin e kontratës, për të cilin mjafton një fibër optike për shpërndarjen e WiFi.
Së dyti Posta Shqiptare kërkon paraqitjen e një dëshmie të stafit dhe listëpagesave të punës për tre muajt e fundit nga nënshkrimi i kontratës, nga të cilët duhet që të jenë paktën 25 të tillë në staf, duke specifikuar dhe pozicionet e tyre, pasi kërkohen të paktën 10 inxhinierë të pajisur me certifikatë CCNP. Ky kriter është krejtësisht i panevojshëm referuar objektit të kontratës dhe është dëshmi e qartë e favorizimit dhe diskriminimin në këtë garë, për një tender me një vlerë marramendëse prej 800 milionë lekë.
Certifikata inxhinierësh dhe kontrata me distributorë dhe një sërë mekanizmash komplekse që nuk i përgjigjen në asnjë pikë objektit të kontratës, që ka si synim mbulimin me internet të zyrave të këtij institucioni përmes një Fibre Optike, janë dëshmi e abuzimit me tendera nga institucioni i drejtuar nga Ervin Bushati, i cili përmes kritereve të pakuptimta dhe që shkelin hapur barazinë e garës, duke orientuar drejt fituesit. Bëhet fjalë për 800 milionë lekë që i jepen kompanisë fituese si “kostum i qepur me porosi”. Këto kritere trajtojnë në mënyrë të pabarabartë operatorët ekonomik pjesmarrës në garë, duke rënë ndesh me parimet bazë të Ligjet e Prokurorimit Publik.
Discussion about this post