Motrat Kardashian janë përfshirë në një dramë të re, e kanë bërë pjesë të saj edhe tenorin e njohur Andrea Bocelli.
Kështu, akuzave të Kourtney, se dasmën e saj me Kanye West në vitin 2014, Kim e kishte përdorur për biznes, Kim Kardashian iu përgjigj duke e “akuzuar” se në fakt e motra i kishte “vjedhur” gjithë detajet e ceremonisë.
Për shembull, Kim dhe Kanye në atë kohë zgjodhën si destinacion Italinë, më saktësisht Firencen, ndërsa disa muaj më parë edhe Kourtney me Travis Barker zgjodhën të njejtin shtet, teksa u martuan në vilën e “Dolce & Gabbana”.
Ndërkohë, Kim po ashtu tha se në dasmën e saj këndoi Andrea Bocelli (këtu hyn në lojë edhe artisti i njohur), teksa edhe Kourt e mori atë në ceremoninë e saj, duke e ditur mjaft mirë që në fakt është këngëtari i preferuar i Kim.
Andrea ka zgjedhur të reagojë mes gjithë kësaj drame, ose të paktën stafi i tij i rrjeteve sociale, teksa bashkangjitur me video-n ku motrat diskutojnë shkruan:
“Të dashura Kim Kardashian dhe Kourtney Kardashian. Jam shumë i lumtur që të dyja ju e adhuroni zërin tim dhe gjithnjë do të jem i lumtur të këndoj për ju, – teksa i sugjeron edhe Matteo Bocelli-n si artist, të cilin sipas Andrea-s, nëna e tyre, Kris, e njeh shumë mirë.
Shpresojmë që me këtë ndërhyrje, Kim dhe Kourtney të gjejnë “paqe”.
Discussion about this post