Nuk duket situatë e qetë në shtëpinë e Interit. Edhe një seancë e thjeshtë stërvitore, para ndeshjes delikate përballë Benficës së Lisbonës ka potencial të kthehet në burim incidentesh mes lojtarëve. Rasti më i fundit është ai mes dy futbollistëve, Andre Onana dhe Marcelo Brozoviç.
Kamerunasi dhe kroati duket se janë konfliktuar për faktin se portieri afrikan bëri një ndërhyrje të rëndë ndaj mesfushorit ballkanas. Brozo, duket se i thotë diçka ish-portierit të Ajaxit, i cili i kthehet shokut të tij të ekipit me pamje kërcënuese.
Një herë nën-kampioni i Botës, nuk trembet duke e shtyrë tutje Onanën. Është belgo-kongolezi Romelu Lukaku ai që bën të mundur rikthimin e qetësisë.
📹 “Confronto” tra #Onana e #Brozovic durante il torello alla vigilia di #InterBenfica: Lukaku e D’Ambrosio dividono i due 🙄 pic.twitter.com/5e9ItBXO7i
— FcInterNews.it (@FcInterNewsit) April 18, 2023
Kjo situatë, tregon haptazi që atmosfera në Qendrën Stërvitore të Interit nuk është e qetë, sidomos pas rezultateve katastrofike në kampionat, ku zikaltërit e kanë harruar shijen e fitores prej shumë javësh tashmë.
Ndeshja e ditës së mërkurë, ndaj Benficës është e rëndësishme për të shpëtuar sezonin. Prej javësh tashmë, trajneri Simone Inzaghi flitet se do të shkarkohet në fund të sezonit, me fitimin e trofeut të Champions League që do të ishte e vetmja mundësi për të për të vazhduar edhe vitin e ardhshëm./m.b. /gijotina.com
Discussion about this post