Banorët e “5 Majit” dhe të zonës së Laprakës kanë nisur sërish një tjetër protestën, kundër shembjes së banesave të tyre ndërsa kanë bllokuar kryqëzimin në fillimin e rrugës.
Banorët e zonës së “5 majit” preken nga projekti i ndërtimit të lagjes së re dhe ata kërkojnë dëmshpërblim dhe transparencë lidhur me projektet.
Projekti për lagjen e re të 5 majit po zhvillohet në kuadër të rindërtimit. Në këtë lagje të re do të ketë më shumë se 13 mijë banorë dhe do të strehohen familjet, banesat e të cilave u prishën nga tërmeti.
Edhe banorët në njësinë administrative nr.4 dhe 8 që do t’u prishet shtëpia për ti hapur rrugë projektit, do të marrin dëmshpërblim të plotë përmes shkëmbimit me një banesë në godinat e reja me të njëjta metra2 që kishin.
https://streamable.com/0dndqq
Ata kanë bllokuar kryqëzimin e “5 Majit” pranë Medresesë, ndërkohë janë përballur me prani të shumtë policia. Momentalisht protestuesit, pas përplasjes fizike me efektivët, janë ulur në rrugë duke bllokuar qarkullimin dhe duke bërë thirrje “Turp”.
Discussion about this post