Familjarët e 8-vjeçarit që u vra mizorisht nga Klodian Çalamani, po tentojnë të hyjnë me forcë në ambientet e brendshme të burgut të Vlorës, ku po vuan dënimin vrasësi i Mateos. Një nga të afërmet e Mateos ka tentuar të kalojë kangjellat e burgut, por nuk është lejuar nga kordoni policor, gjë e cila ka sjell dhe tensionim të situatës.
Klodian Çalamani, “monstra e Fierit”, është dërguar në paraburgimin e Vlorës pasi Gjykata e Fierit caktoi masën “arrest me burg” për të.
Arsyeja e këtij vendimi të autoriteteve është shmangia e ndonjë sulmi të mundshëm që mund t’i bëhej 38-vjeçarit.
Burimet tregojnë se 38-vjeçari është ndjerë i frikësuar kur ka mbërritur në ambientet e paraburgimit të Vlorës dhe ka qëndruar i heshtur, duke parë i trembur këdo që i afrohej. Ndërkohë, të afërmit e vogëlushit prej disa ditësh kanë nisur një petecion për rikthimin e dënimit me vrasje.
Discussion about this post