“Antifemër”/ Tensione në Komision, Ina Zhupa i heq mikrofonin ministres Margariti

Është shoqëruar me debate të forta mbledhja e Komisionit të Edukimit, ku deputetja e PD, Ina Zhupa është përplasur me ministren Elva Margariti.

Teksa ministrja po fliste për projektligjin “Për miratimin e marrëveshjes për administrimin e nënzonave të trashëgimisë kulturore dhe peizazhit kulturor, pjesë e Parkut Kombëtar të Butrintit”, Zhupa u shpreh se ka shumë vërejtje për këtë projektligj, të cilin e quan marrëveshje sekrete. Kulmi arriti kur Zhupa u ngrit dhe i hoqi mikrofonin ministres, ndërsa kjo e fundit e quajti antifemër.

Debati:

Ina Zhupa: Si mund të vijnë për diçka që nuk e kemi parë, zoti Petro mos përfito

Petro Koci: Vijojmë mbledhjen

Zhupa: Nuk mund të vazhdohet, ajo nuk flet ( i bie tavolinës)

Margariti: Butrinti nuk është personal, nuk është e imja.

(Zhupa ngrihet në këmbë dhe i heq mikrofonin)

Koçi: A ka mundësi ta mbash veten, s’je ti komandatja.

Margariti: Ju falenderoj për vizitën tuaj në Butrint, se iu është dashur të rikujtoni se keni një Butrint. Do ta dëgjosh deri në fund…

Koci: Punonjësit e gardës të mos e lejojnë..

Ina Zhupa: T’ju vijë turp, pse është marrëveshja sekrete?

Margariti: Anti turpi këtu je ti, e vesh përditë, je fytyra e turpit në këtë komision, antifemër

Zhupa: Turp, të të vijë zor nga vetja që ulesh aty.

Elva Margariti: Fondacioni i posaçëm do të kontribuojë në arkën e shtetit, hera e parë që ndodh diçka e tillë…

Ina Zhupa: Përgjigju, pse është marrëveshja sekrete?