Tensione në Kuvend, protestuesit përplasen me policinë

Një përplasje mes protestuesve dhe policisë po ndodh para Kuvendit. Flakadanë janë hedhur në rrugë nga ana e demonstruesve.

Protestuesit kanë hedhur edhe sende e kapsolla në drejtim të policisë. Efektivët kanë nisur që të mbrohen me skafandra.

Një prej demonstruesve ka mbajtur një fjalim me thirrjet “Rama ik”. “Shqiptarët nuk dorëzohen, shqiptarët do i dalin Zot Shqipërisë. Rama ik, Rama ik”, tha ai. Nga ana e protestuesve ështën tentuar edhe thyerja e kordonit policor.

Protestuesit janë vënë përballë policisë, ndërsa kjo e fundit nuk lejon askënd të hyjë në Kuvend.