Siç ka ndodhur edhe më parë, derbi Tirana-Partizani është shoqëruar me tensione.
Tifozeria e Partizanit nuk e ka mirëpritur golin e shënuar nga Hasani dhe kalimin në avantazh të skuadrës kundërshtare.
Ata kanë hedhur sende në fushë duke goditur kapitenin e Tiranës, Filip Najdovski në sup.
Ndërkohë tifozët e Tiranës nuk kanë qëndruar të qetë përballë kësaj duke hedhur sende të ndryshme mbi portierin e Partizanit, Pano Qirko. Ky i fundit u godit në këmbë.
Gjyqtari Juxhin Xhaja bllokoi ndeshjen në minutën e 37’ të saj duke kërkuar të mos hidhen më sende në fushë dhe të qetësohet situata.
Derbi i 172-të i kryeqytetit mes Tiranës dhe Partizanit po luhet në stadiumin “Air Albania”.
Shikoni fotot dhe video
Discussion about this post