Një incident i ashpër ka ndodhur mëngjesin e sotëm në brigjet e Lesvos, në jug të zonës Agios Fokas, mes Greqisë e Turqisë, kur nga një varkë turke prej druri që zbarkoi 25 emigrantë në zonë është hapur zjarr.
Sipas mediave të huaja, mësohet se tre trafikantët e emigrantëve që ndodheshin në bordin e saj, duke vënë re patrullën e Gardës Bregdetare greke që po shkonte për t’i bllokuar, nxorën armë të rënda dhe sulmuan.
Duhet të theksohet se rojet bregdetare në bordin e mjetit lundrues nuk u penguan nga të shtënat dhe vazhduan ta ndjekin mjetin lundrues, megjithatë, roja bregdetare turke ndërhyri dhe iu afrua mjetit lundrues turk, duke lundruar drejt ujërave territoriale turke.
Mediat greke shkruajnë se ky është një nga incidentet më të rënda në ujërat e tyre, i cili pasqyron rreziqet me të cilat përballen Rojet Bregdetare të vendit prej vitesh në patrullimet që kryejnë, pasi sipas tyre, duket se ‘skllavopronarët turq’ jo vetëm kanë armë, por nuk kufizohen vetëm në revole apo karabina, por edhe në armë më të fuqishme. Për mrekulli, asnjë oficer i Rojes Bregdetare në anijen greke nuk u godit dhe nuk pati të lënduar.
Bëhet fjalë për mjetin lundrues të Rojës Bregdetare me emrin e të ndjerit Kyriakos Papadopoulos, i cili sipas mediave greke u godit nga plumbat turq, të cilët bënë rikoshetë dhe rrezikuan jetën e një oficeri që ndodhej në kabinë.
Discussion about this post