Është tensionuar situata te lagjja “5 Maji’ në Tiranë, pasi kanë filluar përleshjet fizike. Banorët e kanë vendosur të mbrojnë banesat e tyre me çdo kusht. Me dërrasa në duar, ata iu janë drejtuar kordonit të policisë, i cili është vendosur pranë banesave që do të shemben sot. Ata u përplasën fizikisht me policinë e cila ndodhet në zonë që në orët e para të mëngjesit.
Sot parashikohet që të shemben 12 banesa, ndërsa më parë janë shembur dhjetëra të tjera. Sakaq, në total parashikohet të shemben 700 shtëpi, ku deri më sot bashkia ka dalë me justifikimin se ato janë të dëmtuara nga tërmeti i 2019-së që goditi vendin tonë dhe prandaj do të shemben për të ndërtuar të reja. Në fakt me pamje filmike çdo ditë kemi parë se ato shtëpi nuk janë të dëmtuara aspak. Prandaj banorët ngrënë akuza se bashkia po shemb shtëpitë e tyre që mbi atë tokë të ngrejë pallate me të cilat do të pasurohen oligarkët. Prej disa kohësh banorët e “5 majit” por jo vetëm janë ngritur në protesta që kundërshtojnë shembjen e banesave të tyre.
Discussion about this post