Tensionet, Alibeaj: Seanca sot të nisë për çështjen Rama-McGonigal

Enkelejd Alibeaj ka kërkuar që seanca e sotme parlamentare të nisë me interpelancën e kërkuar me kryeministrin Edi Rama për çështjen e McGonigal.

Po ashtu, Alibeaj në fjalën e tij në Kuvendi kërkoi që mos përjashtohen deputetët e PD-së.

Alibeaj: Nuk mund të bësh sikur po ruan imazhin e parlamentit. Kam detyrimin për të sqaruar atë çfarë ka ndodhur në konferencën e kryetarëve. Nuk është rënë dakord. Ka pasur 4 kërkesa në Konferencën e kryeartëve. Ka pasur një interpelancë nga ana ime, ka pasur një kërkese pyetje përgjigjesh, ka patur një kërkesë për mocion me debat për çështjen Rama McGonigal dhe ka pasur një kërkesë për komision hetimor.

Ju thatë i bashkojmë bashkë, por nëse bashkohen do të duhet të shqyrtohen sot. Interpelanca shqyrtohet në seancën parën vijuese dhe seanca e parë vijues është sot. Ndaj ke detyrimin ta vendosur sot në rend të ditës interpelancën e kërkuar prej meje.