Pas dy ditëve tensioni në pikën kufitare Hani i Hotit, pasi autoritetet malazeze ndaluan kalimin e punëtorëve shqiptarë me justifikimin se kanë falsifikuar testet e Covid-19, Drejtoria Rajonale e Kufirit Dhe Migracionit Shkodër, ka reaguar përmes një njoftimi zyrtar.
Sipas njoftimit, duke filluar nga dita e sotme, çdo person që do të hyjë në territorin e Malit të Zi duhet të jetë i pajisur me një test RT-PCR për SARS-COV2; tampon negativ; certifikatë vaksinimi me të dy dozat; ose test serologjik që vërteton se ke kaluar COV2, në një afat brenda 180 ditësh.
Ndër të tjera ka vendosur që të njihen vetëm testet e lëshuara nga laboratorët e subjekteve të 1-American Hospital, 2-Intermedica Center, 3-Genius Lab, 4-German Hospital, 5-Biocheck Diagnostic, 6-Salus Tirana, 7-Noval Diagnostic, 8-Pegasus Med,9-Clinical Cambridge, 10-Orion Struga.
Dy ditët e fundit u shoqëruan me përplasje mes policisë dhe punëtorëve në pikën kufitare Hani i Hotit, ku një person përfundoi në komisariat.
