Nga Asambleja e zgjeruar e PS-së në Shkodër, Kryeministri Edi Rama komentoi situatën në Parlament, ku opozita vijon atë që e quan “aksioni opozitar” apo bindje civile e deputetëve të saj.
Por për Ramën kjo situatë krijohet për shkak se jo një, por disa deputetë kanë probleme me drejtësinë.
“Në Parlament është një hall tjetër shumë i madh i dikujt, thonë, por nuk është vetëm njëri, por janë disa që kanë probleme me drejtësinë dhe që e kanë marrë peng Parlamentin me akte që zakonisht i bëjnë njerëzit kur dalin nga kontrolli”, tha Rama.
Zhvillimet në kampin opozitar, kryetari PS, kërkoi të shikohen si një leksion për Partinë Socialiste.
“Do ndahet edhe më shumë në çika. Na jep një mesazh shumë të qartë. Ne duhet të kujdesemi të bashkojmë njerëzit e zakonshëm. Shkodra, ndarja nga lart poshtë me kast e cinizëm dhe vendosja e barrikadave në çdo lagje, në çdo gardh duke i ndarë njerëzit është në dëm të njerëzve vetë. Nga kjo ndarje kush përfitoi? Qyteti që besoi atë qasje dhe ja ku është partia që ushqeu këtë qasje”, shtoi kryeministri.
Discussion about this post