Tensionet në Kuvend/ Reagon misioni i BE në Tiranë: Duhet dialog politik

Delegacioni i Bashkimit Europian në Tiranë ka reaguar së fundmi, për situatën e kaosit të krijuar në Kuvendin e Shqipërisë.

Në një postim në rrjete sociale, Delegacioni i BE thekson rëndësinë e dialogut politik konstruktiv dhe gjithëpërfshirës në parlament.

“Pas zhvillimeve të fundit në Parlamentin e Shqipërisë, Bashkimi Evropian rikujton se një Parlament funksional që ushtron një rol efektiv mbikqyrës dhe legjislativ është një shtyllë qendrore e procesit të anëtarësimit në BE.

Dialogu politik konstruktiv dhe gjithëpërfshirës në parlament është shumë i rëndësishëm dhe në interes të qytetarëve shqiptarë.”