Gjatë një konference për mediat ditën e sotme presidenti rus, Vladimir Putin, ka deklaruar se Rusia nuk do luftë. I pyetur nga gazetarët nëse ai do të përjashtonte një luftë në Evropë, Putin tha: “A e duam ne apo jo? Sigurisht që jo”. Më tutje ai shtoi se, për të shmangur luftën Ruisa ka ofruar propozime që mund të arrijnë në një pikë negociuese mes palëve.
“Kjo është pikërisht arsyeja pse ne parashtruam propozime për një proces negociues që duhet të rezultojë në një marrëveshje që garanton siguri të barabartë për të gjithë, përfshirë vendin tonë”, u shpreh ai.
Rusia njoftoi ditën e sotme se disa nga trupat e saj do të kthehen në bazë pas përfundimit të stërvitjeve të fundit, por theksoi se stërvitjet e mëdha ushtarake do të vazhdojnë. Rusia ka grumbulluar më shumë se 130,000 trupa pranë kufirit të Ukrainës në javët e fundit, sipas vlerësimeve të SHBA, duke rritur frikën nga zyrtarët e inteligjencës perëndimore dhe ukrainase se një pushtim mund të jetë i afërt.
Discussion about this post