Kryeministri i Malit të Zi, Dritan Abazoviç, në një prononcim për mediat, jashtë ambienteve ku po mban punimet Ministeriali i ministrave të Jashtëm të Procesit të Berlinit në Tiranë, reagoi mbi tensionet në veri të Kosovës dhe masave që po merren nga ana e BE-së, dhe jo vetëm, për gjetjen e fajtorëve dhe përgjegjësve të asaj që ndodhi atje.
Sipas Abazoviç, hetimet do të jenë ato që do të tregojnë se cila është e vërteta, dhe sipas tij, në rast se faktet do të tregojnë që është Serbia, atëherë ajo do të mbajë përgjegjësinë e saj.
Në vijim, ai artikuloi një akuzë ndaj ndërkombëtarëve, duke thënë se ata nuk mund “të lajnë duart” në lidhje me këtë çështje, pasi sipas tij, ata janë paralajmëruar prej kohësh për rrezikun që i kanoset nga prezenca e grupimeve dhe njerëzve të rrezikshëm në disa zona në veri të Kosovës.
“Mali i Zi ka një politikë paqësore dhe qeveria dhe shteti jonë ka krijuar një model se si kombësitë e ndryshme mund të jetojnë në harmoni. Hetimi që do të realizohet do tregojë të vërtetën, por dua të them që është e papranueshme kjo që ka ndodhur në veri të Kosovës.
Kushdo që ka krijuar atë konflikti duhet të përgjigjet dhe në rast se është Serbia zyrtare, atëherë kjo do të dalë. Ndërkombëtarët nuk mund të “lajnë duart“ prej kësaj pune, pasi ka pasur shumë paralajmërime nga qeveria e Kosovës se atje ka njerëz të rrezikshëm, të armatosur”, tha Kryeministri i Malit të Zi, Dritan Abazoviç.
Discussion about this post