Situata e tensionuar në veri të Kosovës ka bërë që të anulohet aktiviteti në kuadër të ushtrimit të madh ushtarak ndërkombëtar “Defender Europe 2023”. Lajmin e ka bërë të ditur Ministria e Mbrojtjes e Kosovës.
“Ju njoftojmë se për shkak të situatës në veri të vendit, aktiviteti i paraparë për sot (DV DAY), në kuadër të ushtrimit ndërkombëtar “Defender Europe ’23”, anulohet”, bëhet e ditur në njoftim.
Që nga e premtja, serbët në veri të Kosovës janë duke protestuar kundër kryetarëve të rinj të zgjedhur në zgjedhje. Si pasojë e protestave të dhunshme një ditë më parë, u plagosën 25 ushtarë të KFOR-it.
Kosova është mikpritëse e “Defender Europe 23”, ushtrimit më të madh ushtarak ndërkombëtar në të cilin marrin pjesë 25 vende të NATO-s, me mbi 22 mijë trupa.
Discussion about this post