Të shtunën dhe të dielën, serbët e Kosovës kanë dhënë dorëheqje nga të gjitha pozitat në institucionet publike të Kosovës. Mobilizimi i tyre erdhi si shenjë proteste ndaj vendimit të Kosovës për implementimin e targave kosovare për banorët serbë. Serbët gjithashtu kanë kërkuar krijimin e Asociacionit të Komunave Serbe.
Jo vetëm kaq, serbët në veri të vendit u mblodhën në një protestë për të kundërshtuar vendimin e Qeverisë së Kosovës për targat. Situata aktuale në Kosovë po raportohet dukshëm edhe nga mediet e huaja prestigjioze, madje një medium italian “La Repubblica” raportoi se ky konflikt po i atribuohet Moskës, e cila sipas këtij mediumi “po ndez konfliktin në vend”.
Duke përmendur një sërë faktorësh, La Repubblica shkroi se “Beogradi e ka vendosur ushtrinë në gatishmëri” dhe se kryeministri i Kosovës Albin Kurti hodhi akuza te Rusia.
Lexo edhe: Tensionet në Veri/ SHBA: Po rrezikohet jeta e qytetarëve, të ulen tensionet
Ndërkaq mediumi Blick shkroi se u përshkallëzua sërish mosmarrëveshja për çështjen e targave. The Guardian raportoi se pikëpamja anti-perëndimore në Serbi nuk vjen nga përkrahja për Putinin.
Një medium tjetër që raportoi për situatën është edhe Politico, i cili shkroi në titull se “tensionet etnike u ndezën sërish në veri të Kosovës”. Krahas kësaj, mediumi raportoi gjithashtu edhe për protestën e djeshme, ku sipas tyre morën pjesë qindra protestues.
Discussion about this post