Fatmir Sheholli, Drejtor Ekzekutiv nga Instituti për Afirmimin e Marrëdhënieve Ndëretnike ishte i ftuar në ‘Syri Tv’ me gazetaren, Armela Ferko në Syri Tv ku diskutoi situatën e tensionuar në veriun e Kosovës.
Sheholli u shpreh se situata është shumë e tensionuar dhe kjo ishte paralajmëruar tre muaj më parë.
“Situata është jo normale shumë e tensionuar, sot e tre muaj kemi parapri dhe kemi treguar që të mos vijë në këtë stad ku ka arritur sot.
Përveç që duhet të falënderojmë policët e Kosovës që e kanë kryer punë në mënyrë profesionale, ne duhet të reagojmë pas këtyre deklaratave, pasi ne nuk e kemi merituar ta ndjejmë një reagim të tillë sikur të ishte ndaj Putin-it, e jo ndaj Albin Kurtit.
Situata është më seriozë se çka qenë, pasi sot ka pasur të shtëna të panumërta dhe këto janë paralajmërime.
Një kryeministër që nuk arriti kurrë të shkojë të vizitojë komunat e Republikës së Kosovës në veri, ato që janë me shumicë Serbe, për mua është shumë e palogjikshme, pra të gjithë jemi të frikësuar.
Përsa i përket deklaratës se sekretarit amerikan, Antony Blinken, Sheholli u shpreh se një reagim të tillë s’ka pasur kurrë për Kosovën. Deklarata e Kadri Veselit, 6 muaj para se të shkonte në Hagë, në kuvendin e Kosovës iu drejtua Kurtit se me këtë filozofi dhe formë të veprimit po na e ktheni Serbinë në Kosovë.
Për herë të parë, një shtet aleat thotë që do ti shqyrtojmë çështjet e marrëdhënieve me Kosovën dhe ky është tmerri i botës për ne si shtet i Kosovës”, tha Sheholli.
Discussion about this post