Asociacioni i Gazetarëve të Kosovës ka bërë të ditur se ekipit të RTV Dukagjini, gjatë raportimit në Zveçan i është dëmtuar automjeti.
Raportohet se nuk ka të lënduar, ndërkohë që ky është automjeti i dytë i kësaj mediaje, që është vandalizuar nga protestuesit lokalë.
“Në vazhdën e ngjarjeve në komunat veriore të Kosovës, ky është sulmi i 16 në drejtim të mediave brenda dy ditësh.
Asociacioni i Gazetarëve të Kosovës me shqetësim të thellë kërkon posaçërisht nga prezenca ndërkombëtare që të krijojë ambient më të sigurt për gazetarët, kameramanët, fotoreporterët dhe shoferët, që janë në krye të detyrës, e po raportojnë nga veriu i vendit”, thuhet në reagimin e AGK-së.
Discussion about this post