“Politika shqiptare duhej të kishte një qëndrim të unifikuar përsa i takon situatës në Veriun e Kosovës, madje Parlamenti duhej të miratonte një dokument mbi këtë ccështje”, u shpreh deputeti Dashamir Shehi gjatë emisionit “Log.” në Panorama Tv.
Shehi tha se Rama nuk duhet të kishte dalë me draft propozim pa u konsultuar me homologun e tij, Albin Kurtin pasi distancimi i dy shteteve e rëndon situatën.
“Parlamenti duhet të kishte paraqitur një dokument politik për këtë situatë, ne e kemi për detyrë që ta drejtojmë politikën, sidomos e atë të jashtme. Dokumentin ta kishin miratuar të gjithë, pala shqiptare nuk është në një të qartë, rrotullohet rreth propozimeve të Ramës, që janë personale.
Nuk është politika serioze e një populli serioz, sot duhet të kishim dalë më një dokument, të bënim të qartë se çfarë kërkojmë nga ndërkombëtarët, Kosova përmes përcaktimit të dy a tre pikave, dhe se cili është pozicioni jonë.
Kemi një kryeministër që pa u konsultuar me kryeministrin tjetër del me propozimit të vetin, ne nuk jemi ndërkombëtarë por pjesë të një kombi. Rama, Kurti para se të dalin me vendime të përbashkëta duhet të konsultohen me njëri-tjetrin, pasi dobësohet duke u ndarë kaq rëndë faktori shqiptar. Nuk po ndodh sot, por është situatë e agravuar prej dy vitesh dhe kjo e dëmton shumë situatën”, tha ai.
Discussion about this post