Gjatë në një konferencë për mediat kryeministri, Edi Rama, ka treguar pozicionin e shtetit shqiptar për konfliktin mes Ukrainës dhe Rusisë, duke i dhënë përgjigje të prerë kësaj të fundit se Shqipëria do të jetë në anën e SHBA kundër pushtimit. Ai tha se ka marrë dhe konfirmimin e DASH për këtë, ndërsa theksoi se si një vend anëtar i NATOS-s, Shqipëria kërkon vetëm paqe dhe lëviz gurët për të mbajtur larg luftën.
“Zhvillojmë një komunikim të drejtpërdrejte që për këndvështrimin tonë është pozitiv për pozicionin, reputacionin dhe dinjitetin e Shqipërisë në arenën ndërkombëtare. Duke qenë se tema është më e gjerë se kaq dhe është një temë që diskutohet kudo, përfshi edhe në Shqipëri, jemi të gatshëm që t’i përgjigjemi pyetjeve. Kemi marrë konfirmim nga DASH se SHBA dhe Shqipëria do të jenë bashkë penë mbajtëse në këshillin e sigurimit të OKBlidhur me çështjen e Ukrainës. Është pa diskutim një përgjegjësi e re dhe shumë e madhe por edhe një konfirmim i padiskutueshëm i një Shqipërie tjetër në arenën ndërkombëtare i një Shqipëria që vlerësohet për karakterin qëndrueshmërinë edhe për aftësinë në luajtjen e rolit që i takon si një vend që promovon paqen sigurinë, si një vend që nga njëra anë është anëtar i NATO-s nga ana tjetër është një vend me pozicion të spikatur dhe vlerësuar në rajonin tonë”, tha ai.
Rama e quan tensionet dhe konfliktet mes Rusisë dhe Ukrainës, si përballje ‘elefantësh’. I pyetur nëse Shqipëria do të ofrojë ndihmë me trupat e saj, Rama zgjodhi që të bënte thirrje vetëm për bisedime mes dy shteteve që tashmë janë në një konflikt të ashpër.
Discussion about this post