Kryeministri i Kosovës Albin Kurtin, ka zhvilluar sot një takim me Nicholas Giacobbe, i ngarkuari me punë në Ambasadën e Shteteve të Bashkuara të Amerikës në Prishtinë. Njoftimin e ka bërët ë ditur ky i fundit, ndërsa qendra e diskutimit ka qenë situata e fundit e krijuar në veri të Kosovës pas vendosjes së reciprocitetit për targat. Ai është shprehur se duhen marrë masa për të qetësuar situatën.
“Hapat e menjëhershëm janë të nevojshëm për të shtensionim të situatës”, është shprehur ai.
Ndër të tjera Giacobbe ka thënë se në këtë takim kanë diskutuar për rëndësinë e dialogut të ndërmjetësuar nga Bashkimi Evropian për të zgjidhur çështjen e targave dhe për çështjet tjera.
“Veprimet mund të kenë pasoja të padëshiruara që ndikojnë negativisht në jetën e përditshme të qytetarëve”, ka shtuar zyrtari.
Më herët kryeministri i Kosovës, Albin Kurti ka folur rreth vendosjes së reciprocitetit ndaj targave të Serbisë.
Në Twitter ka shkruar se vendimi i Qeverisë së Kosovës nuk është një provokim për serbët lokalë.
