Pas gjashtë ditësh protesta nga serbët në dy pikat kufitare në veri të Kosovës, janë regjistruar tensionet e para. Mediat kosovare kanë publikuar pamje ku shihet djegia e qendrës së regjistrimit në Zubin Potok.
Edhe në Zveçan janë hedhur granata dore, duke shkaktuar tym në ajër, por ende nuk është raportuar për persona të lënduar. Policia e vendit vijon të qëndrojë në pikat kufitare Jarinjë dhe Bërnjak, ndërsa nuk ka bërë me dije që të jenë proceduar persona për shkak të këtyre zjarrvënieve.
Qeveria e Kosovës mëngjesin e të hënës nisi zbatimin e reciprocitetit e targave për makinat serbe që futen në territorin e Kosovës. Ky vendim nuk u prit mirë dhe e tensionoi shumë situatën në veri të vendit, ku qytetarët serbë në shenjë proteste bllokuan rrugët në Bërnjak dhe Jarinjë.
