Tensionohet situata në protestën para Ministrisë së Brendshme. Qytetarët të cilët kërkojnë drejtësi për vdekjen e 32-vjeçarit Lear Kurti në komisariatin nr.3 të Tiranës, janë përplasur me policët. Ata kanë tentuar të çajnë kordonin. “Hapeni rrugën vrasës, hapëni rrugën vrasës,”- thonë në kor protestuesit.
Kjo është hera e dytë që qytetarët dalin në protestë për Kurtin, të riun që vdiq në duart e efektivëve të policisë. Qytetarët janë mbledhur para Ministrisë së Brendshme dhe pritet që nga aty të vijojnë itinerarin përballë Kryeministrisë. Godina e MB-së shihet e rrethuar nga efektivë të shumtë policie. Protestuesit kërkojnë dorëheqjen e Ministrit të Brendshëm, Bledi Çuçi, pasi fajësojnë efektivët për vdekjen e Kurtit.
Discussion about this post