Situata te “5 Maji” është agravuar shumë pasi banorët vazhdojnë të bëjnë rezistencë. Sakaq, policia ka vazhduar të nxjerrë me forcë banorët nga shtëpia dhe në atë momente një prej banorëve i ka rënë të fikët dhe është shtrirë në tokë. Familjarët e tij kanë nisur të ulërinin dhe i kërkonin policisë që ta lënë të qetësohet.
Pak më parë fadromat kanë nisur shembjen e banesave dhe pritet që sot të shemben 11 banesa, ndërsa në total parashikohet të prishen 700 banesa. Shumë banorë janë duke bërë rezistencë, pasi refuzojnë të dalin nga shtëpitë. Policia ka rrethuar zonën që prej orëve të para të mëngjesit të sotëm, teksa është njoftuar se do të kishte të tjera shembje. Prej javësh banorët kanë protestuar kundër shembjes së banesave. Ata preken nga projekti i ri i rindërtimit, por edhe unazës së madhe. Banorët kanë kërkuar transparencë se çfarë do të ndodhë me pronat e tyre.
Discussion about this post