Tentativa e arratisjes nga burgu 313 në Tiranë, ka vënë në lëvizje hetuesit teksa këta të fundit kanë kërkuar rregulloren e brendshme të Burgjeve, se si veprohet dhe çfarë parashikon ajo, nëse gardianët lëvizin apo ajo nga regjimi i brendshëm.
Detyra e këtyre të fundit është nëse lëvizin dhe nëse po me urdhër urdhër të kujt. Gjithashtu grupi hetimor i Prokurorisë së Tiranës, me anë të shkresave kanë kërkuar informacion se kush e ka dhënë urdhrin për të lëvizur nga ambientet e vendit ku qëndronin gardianët, pasi Çepele tentoi të vrasë veten.
Kjo për të parë nëse ka punonjës të tjerë të institucionit që mund të mbajnë përgjegjësi. Një tjetër verifikim qe po kryen grupi hetimor është edhe kartela mjekësorë e Lulzim Çepelës që tentoi vetëvrasjen, nëse duhej të dërgohej apo jo në spital. Nga verifikimet e deritanishme, hetuesit besojnë se tentativa e arratisjes së Fatmir Pjetrit dhe Arbër Çekajt është e mirëorganizuar dhe ka cenuar sigurinë e 313-ës.
