Detaje të tjera janë zbardhur sot rreth grabitjes së një banke në të Tiranë të mbetur në tentative. Kujtojmë se plani i grabitësve duke hapur një tunel nëntokësorë për t’u futu në bankë është konsideruar një skenar i paparë për filma.
Ndërsa sot janë zbardhur dhe më shumë detaje për mënyrën se si kanë punuar grabitësit pa rënë në sy. Sipas policisë, personat e përfshirë ishin maskuar si punëtorë për të mos rënë në sy, duke u veshur me jelekë fosforeshentë. Ata kishin hyrë në tunel me anë të një shkalle dhe më pas, për rreth 20 ditë, kishin vazhduar gërmimet, duke çarë fillimisht murin e betonit.
Dyshohet se autoret kanë pasur një hartë që i ka orientuar saktësisht ku duhet të ndërhynin në tunel për të mbërritur tek banka. Ata kanë arritur të çajnë betonin në një diametër rreth 1 metër, ku kanë depërtuar në një shtresë me gurë dhe tani po gërmonin dheun.
Nuk dihet nëse kanë pasur informacion edhe për planimetrinë e bankës të cilën synonin të grabisnin. Ndërkohë mësohet se institucioni ishte një bankë e nivelit të dytë.
Discussion about this post